Postuar më: 6 June / 16:14
Mane Garrincha, Brasilia
Viti i ndërtimit: 2012
Kapaciteti i përgjithshëm: 68.009
Vetëm disa qytete braziliane mund t’i afrohen kryeqytetit Brazilia kur bëhet fjalë për arkitekturën, ndërsa Estadio Nacional Mane Garrincha është një dëshmi për këtë, një stadium me ulëse për 68.009 spektatorë që është arena e dytë më e madhe nikoqire e Kampionatit të sivjetmë Botëror.
Stadiumi i mëparshëm Estadio Nacional, është rrënuar për t’i bërë vend ndërtimit të stadiumit të ri, me një fasadë të re, kulm metali dhe ulëse të reja dhe me ulje të fushës që mundëson shikim pa pengesë nga secila ulëse.
Me një qasje komplete ndaj transportit publik, ky konstruksion ekologjikisht miqësor konfirmon statusin e Brazilisë si një lider në planifikimin e qëndrueshëm urban, njëherësh duke krijuar një bazë për sektorët tjerë të ekonomisë lokale.
Estadio Nacional ishte nikoqir i ndeshjes hapëse të Kupës së Konfederatave në vitin 2013 dhe mirëpret shtatë përballje të Kampionatit të sivjetmë Botëror, një nga to është ndeshje çerekfinale dhe një tjetër përfshin përballjen për vendin e tretë.
Ky është stadiumi i tretë në Brazili, së bashku me Serejao dhe Bezerrao, ndërsa krahas ndeshjeve të futbollit shfrytëzohet edhe për koncerte dhe evenimente të mëdha kulturore.
Takimet që do të zhvillohen në Estadio Nacional de Brasilia:
Faza grupore
15 qershor: Zvicër v Ekuador
19 qershor: Kolumbi v Bregu i Fildishtë
23 qershor: Kamerun v Brazil
26 qershor: Portugali v Gana
Faza e eliminimit direkt
30 qershor: Një takim i 1/8 së finales
5 korrik: Një çerekfinale
12 korrik: Përballja për vendin e tretë
0 komente