Reprezentuesi shqiptar i Gjermanisë, Shkodran Mustafi, është shprehur i ngazëllyer që ka fituar trofeun e Kampionatit Botëror, ‘Brazili 2014’.

Gjermania mposhti Argjentinën me rezultat 1-0 në finale, ndërsa mbrojtësi i Sampdorias është shqiptari i parë që ka fituar Kupën e Botës.

Mustafi në Botërorin 2014, ka zhvilluar tri ndeshje derisa nuk u paraqit në finale për shkak të një lëndimi të pësuar ditë më parë. Mustafi thotë se nuk di si ta përshkruajnë ndjenjën për të fituar medaljen e artë.

“Unë jam 22-vjeçar, një lojtar i ri. Pas ndeshjeve të mia të para me skuadrën përfaqësuese, unë u thirra në momentet e fundit dhe tani po e ngre lartë trofeun e Kupës së Botës. Është e pabesueshme”.

“Nuk mund të përshkruhet kjo ndjenjë. Nuk e di se çfarë po ndjej tani”, ka thënë futbollisti me origjinë nga Gostivari.

Pas ndeshjes, Mustafi titullin e kampionit e ka festuar bashkë me skuadrën dhe kancelaren Merkel. Anëtari i Sampdorias nuk ka harruar prejardhjen e tij. Në fotot e festës gjermane, ai shihet duke festuar me simbolet kombëtare. /KP/Telegrafi/