Behrami mohon: Ne nuk agjërojmë
Mesfushori i kombëtares zvicërane, Valon Behrami, ka thënë se asnjë lojtar i skuadrës së Zvicrës nuk agjëron muajin e Ramazanit, duke demantuar kështu Xherdan Shaqirin.
Mesfushori i Zvicrës ka thënë në konferencën për media para ndeshjes ndaj Argjentinës se askush nuk agjëron Ramazanin.
Kjo është në kundërthënie me postimin e Shaqirit në Facebook, i cili aludoi se po e agjëron Ramazanin.
“Asnjë nga lojtarët nuk do të agjërojë. është në kohë jo të mirë. Ushqimi dhe pijet janë të rëndësishme, veçanërisht në këtë klimë”, ka thënë Behrami. /Telegrafi/
0 komente